instanewsdesk | प्रकाशित मिति: २०८२ मंसिर १५, सोमबार १८:०२काठमाडौं – केन्द्रीय अनुसन्धान ब्युरो (सीआईबी)ले प्रभु बैंकका कार्यकारी अधिकृत (सीईओ) अशोक शेरचन, नायब प्रमुख कार्यकारी अधिकृत (डेपुटी सीईओ) मनिराम पोखेरल र प्रमुख कर्जा अधिकृत रिवास श्रेष्ठविरुद्ध अनुसन्धान गर्न अदालतबाट पाँच दिनको म्याद पाएको छ।
पाटन उच्च अदालतले सोमबार सीआईबीलाई ती अधिकारीहरूलाई पाँच दिन हिरासतमा राखेर अनुसन्धान गर्ने अनुमति दिएको सीआईबीका प्रवक्ता शिव कुमार श्रेष्ठले बताए।
बैंकिङ्ग कसूर तथा सजाय ऐन, २०६४ अन्तर्गत सीआईबीले उनीहरूलाई पक्राउ गरेको हो। प्रारम्भिक अनुसन्धानमा सीआईबीले जनाएको छ कि प्रभु बैंकका सीईओ शेरचनले नेपाल राष्ट्र बैंकको निर्देशन र प्रचलित कानुन विपरीत कार्य गर्दै बैंकलाई हानि पुर्याएका थिए। अनुसन्धान अनुसार, उक्त अपराध लुकाउन उनीहरूले विभिन्न कम्पनीहरूको नाममा करोडौँ रकम कर्जा प्रवाह गरी दुरुपयोग गरेका छन्।
