अमेरिकाको मध्यस्थतामा भारत र पाकिस्तान युद्ध बिरामको घोषणा

अमेरिकाको मध्यस्ततामा भारत र पाकिस्तानबीच युद्धविराम भएको हो । भारतीय विदेश सचिव विक्रम मिश्रीले आज दुवै देशका अधिकारीहरुबीच भएको वार्ताले युद्धविराम लागि सहमत भएको बताएका छन् । अमेरिकाको मध्यस्थतामा लामो वार्तापछि भारत र पाकिस्तान युद्धविराममा सहमत भएका हुन् ।

यस अघि अमेरिकी राष्ट्रपति डोनाल्ड ट्रम्पले पनि आफ्नो सामाजिक सञ्जाल प्लेटफर्म ’ट्रुथ सोशल’ मा अमेरिकाको मध्यस्थतामा लामो समयको वार्तापछि भारत र पाकिस्तान पूर्ण र तत्काल युद्धविराममा सहमत भएका जनाएका थिए । दुवै देशले आज साँझ ५ बजेदेखि हवाई, जल र जमिनमा आक्रमण तुरुन्तै रोक्ने निर्णय गरेको बिदेश सचिव मिश्रीले जनाएका छन् । थप वार्ता १२ मेमा हुने जनाइएको छ ।