लकडाउनमा पनि सवारी दुर्घटना : ट्राफिक प्रहरी बुथमा समेत क्षति

काठमाडौँको कमलपोखरीमा दुईवटा कार एकआपसमा ठोक्किएको छ । तिव्र गतिबाट आइरहेका कार एकआपसमा ठोक्किँदा दुर्घटना भएको ट्राफिक प्रहरीले जनाएको छ ।

कारको ठक्करबाट कमलपोखरी चोकमा रहेको ट्राफिक बुथमा समेत क्षति भएको छ । दुर्घटनामा कोही घाइते नभएको जनाइएको छ । हाल ट्राफिक प्रहरीले सवारी चालकलाई नियन्त्रणमा लिएर अनुसन्धान गरिरहेको छ ।

लकडाउनको बेला तीव्र गतिमा गाडी चलाउँदा दुर्घटनाका घटना भइरहेको ट्राफिकले जनाएको छ ।