instanewsdesk | प्रकाशित मिति: २०८२ माघ ११, आईतवार ११:४४काठमाडौं । सांग्रिला डेभलपमेन्ट बैंक लिमिटेडको वित्तीय आधार सूचकांकहरूमा सुधार देखिएको छ। बैंकको Earnings Per Share (EPS) बढेर रु १६.२१ पुगेको छ, जुन अघिल्लो अवधिभन्दा रु ४.७५ ले बढी हो। Net Worth Per Share मजबुत रहँदै रु १५३.२४ कायम भएको छ भने बैंकको P/E Ratio २४.७८ गुणा रहेको छ, जसले बजार मूल्याङ्कनको स्तर देखाउँछ। लागत पक्षमा Base Rate ६.१७% मा सीमित रहँदा बैंकको Credit–Deposit (CD) Ratio ८३.५५% पुगेको छ, जसले कर्जा विस्तारको सक्रियता संकेत गर्छ।
सांग्रिला डेभलपमेन्ट बैंक लिमिटेडले चालु आर्थिक वर्ष २०८२/८३ को दोस्रो त्रैमाससम्मको अपरिष्कृत वित्तीय विवरण अनुसार बैंकको खुद नाफा उल्लेखनीय रूपमा बढ्दै ३० करोड २५ लाख रुपैयाँ पुगेको छ, जुन अघिल्लो वर्षको सोही अवधिको तुलनामा ५३.९४ प्रतिशतले बढी हो। गत वर्ष यस अवधिमा बैंकले १९ करोड ६५ लाख रुपैयाँ खुद नाफा कमाएको थियो।
खुद ब्याज आम्दानी र सञ्चालन आम्दानीमा आएको सशक्त वृद्धिका कारण बैंकको नाफामा उल्लेखनीय सुधार देखिएको हो।
दोस्रो त्रैमाससम्म बैंकको खुद ब्याज आम्दानी १८.४९ प्रतिशतले वृद्धि भई १ अर्ब ८ करोड ८० लाख रुपैयाँ पुगेको छ। त्यस्तै, कुल सञ्चालन आम्दानी १९.४६ प्रतिशतले बढेर १ अर्ब २५ करोड ७२ लाख रुपैयाँ पुगेको छ। सञ्चालन मुनाफा ५९.३३ प्रतिशतले उक्लिँदै ४५ करोड १३ लाख रुपैयाँ कायम भएको छ।
यस अवधिमा बैंकको खराब कर्जा अनुपात भने १.८८ प्रतिशत बिन्दुले बढेर ६.८७ प्रतिशत पुगेको छ।
पुस मसान्तसम्म बैंकले ५४ अर्ब ३९ करोड २४ लाख रुपैयाँ निक्षेप संकलन गरी ४४ अर्ब ४० करोड ८३ लाख रुपैयाँ कर्जा प्रवाह गरेको छ। सो अवधिमा बैंकको वितरणयोग्य नाफा ९ करोड ४६ लाख रुपैयाँ रहेको छ, जसका आधारमा लाभांश क्षमता ५.०७ प्रतिशत देखिन्छ।
बैंकको चुक्ता पूँजी ३ अर्ब ७३ करोड ४० लाख रुपैयाँ रहेको छ भने जगेडा कोषमा १ अर्ब ८९ करोड ३३ लाख रुपैयाँ र रिटेन्ड अर्निङमा ९ करोड ४६ लाख रुपैयाँ सञ्चित रहेको छ।
