instanewsdesk | प्रकाशित मिति: २०८२ पुष ६, आईतवार १३:०६काठमाडौँ । एनआईसी एसिया बैंकका अध्यक्षबाट तुलसीराम अग्रवालले राजीनामा दिएका छन्। उनले व्यक्तिगत कारण खुलाउँदै पुस ६ गते राजीनामा बुझाएका थिए।
सोही दिन बसेको सञ्चालक समितिको बैठकले उनको राजीनामा स्वीकृत गरेको छ। अग्रवाल २०७८ चैतमा २४औँ साधारणसभाबाट अध्यक्षमा नियुक्त भएका थिए।
राष्ट्र बैंकले बैंकका तत्कालीन प्रमुख कार्यकारी अधिकृत (सीईओ) रोशन न्यौपाने र अध्यक्ष अग्रवाललाई २-२ लाख जरिवाना तिराउने निर्णय गरेको थियो । सो पत्र बैंकका प्रतिनिधिले पुस ४ गते लिएका थिए ।
राष्ट्र बैंकको कारबाहीपछि बैंकभित्र नेतृत्व सम्बन्धी तनाव बढेको बताइन्छ। अग्रवालले जरिवाना सम्बन्धी पत्र प्राप्त गरेपछि आफ्नो पदबाट राजीनामा दिन निर्णय गरेका थिए। सञ्चालक समितिले राजीनामालाई औपचारिक रूपमा स्वीकृति दिएको छ।
यो घटनाले बैंकको नेतृत्व संरचना र नियामक निकायसँगको सम्बन्धलाई पनि चर्चा मा ल्याएको छ। बैंकका अन्य अधिकारीहरूले नयाँ अध्यक्ष नियुक्ति प्रक्रिया अघि बढाउने तयारी सुरु गरेको जनाएका छन्।
