instanewsdesk | प्रकाशित मिति: २०८२ कार्तिक २१, शुक्रबार ०८:५६काठमाडौं । सानिमा बैंकले चालु आर्थिक वर्ष २०८२/८३ को पहिलो त्रैमासमा स्थिर वृद्धि कायम राख्दै खुद नाफा १३.८६ प्रतिशतले बढाएर ४५ करोड ४९ लाख रुपैयाँ पुर्याएको छ । गत वर्षको सोही अवधिमा बैंकको खुद नाफा ३९ करोड ९५ लाख रुपैयाँ थियो ।
यस अवधिमा बैंकको खुद ब्याज आम्दानी पनि उल्लेखनीय रूपमा २७.९१ प्रतिशतले बढेर १ अर्ब ६८ करोड ८५ लाख रुपैयाँ पुगेको छ । गत वर्षको पहिलो त्रैमासमा यो आम्दानी १ अर्ब ३२ करोड रुपैयाँ थियो ।
समीक्षा अवधिसम्म बैंकको सञ्चाल नाफा १४.९४ प्रतिशतले बढ्दै ६५ करोड ७६ लाख रुपैयाँ पुगेको छ, जुन गत वर्षको सोही अवधिमा ५७ करोड २१ लाख रुपैयाँ थियो ।
१३ अर्ब ५८ करोड रुपैयाँ चुक्ता पुँजी रहेको बैंकको वितरणयोग्य नाफा २ अर्ब १३ करोड रुपैयाँ पुगेको छ । समीक्षा अवधिमा बैंकको प्रतिसेयर आम्दानी (EPS) १३.१५ रुपैयाँ र प्रतिसेयर नेटवर्थ १७२.७१ रुपैयाँ रहेको छ ।
