माडी रामको जन्मभुमि प्रमाणित भए सबैभन्दा बढी खुशि हुने दाहालको भनाइ

राजनीती

माओबादी केन्द्रका अध्यक्ष पुष्पकमल दाहालले चितवनको माडी अयोध्याधामका बिषयमा बिस्तृत अध्ययन र अनुसन्धान गरी प्रमाणित गर्नुपर्ने बताएका छन् । अयोध्याधाम भनि प्रचारप्रसार भइरहेको स्थानको आज अबलोकन गर्दै अनुसन्धानबाट रामको जन्मभुमि भन्ने प्रमाणित भए सबैभन्दा बढी आफु खुशि हुने उनको भनाइ थियो ।

अध्यक्ष दाहालले अनुसन्धानबाट प्रमाणित हुदा चितवनका लागि मात्रै नभए सिंगो राष्ट्रकै लागि ठूलो बिषय हुने भन्दै प्रमाण बिना प्रचारबाजी मात्र गरेर धार्मिक विषयमा खेलवाड गर्न नहुने बताए । अध्यक्ष दाहालले रामको जन्मभूमि प्रमाणित भएमा आफु यस स्थानको बिकासका लागि पुर्ण रुपमा सहयोग गर्ने प्रतिवद्दता समेत जनाए । सोहि क्षेत्रबाट प्रतिनिधि सभा सदस्य समेत रहेकाअध्यक्ष दाहालले आधा दर्जन बढि बिकास परियोजनाको अवलोकन समेत गरेका थिए ।