instanewsdesk | प्रकाशित मिति: २०८१ फाल्गुन १९, सोमबार ०७:२७काठमाडौं – नेपाल राष्ट्र बैंकले बैंक तथा वित्तीय संस्थामा मुद्दति निक्षेप राख्न तोकेको खराब कर्जाको सीमा बढाउने निर्णय गरेको छ। अब ८ प्रतिशतसम्म निष्कृय कर्जा (एनपीएल) भएका बैंक तथा वित्तीय संस्थाहरूमा पनि मुद्दति निक्षेप राख्न पाइनेछ।
यसअघि राष्ट्र बैंकले ५ प्रतिशतभन्दा कम एनपीएल भएका बैंक तथा वित्तीय संस्थाहरूमात्रै मुद्दति निक्षेपको लागि योग्य हुने नीति अपनाएको थियो। तर, पछिल्लो समय बैंक तथा वित्तीय संस्थाहरूको खराब कर्जा बढ्दै गएकाले राष्ट्र बैंक आफैंलाई निक्षेप व्यवस्थापनमा समस्या उत्पन्न भएपछि नीति परिवर्तन गरिएको हो।
४ अर्ब ७९ लाखको मुद्दति निक्षेप योजना
नेपाल राष्ट्र बैंकले आइतबार विभिन्न कोशमा रहेको ४ अर्ब ७९ लाख रुपैयाँ बैंक तथा वित्तीय संस्थाहरूमा मुद्दति निक्षेपका रूपमा लगानी गर्नका लागि प्रस्ताव आह्वान गरेको छ।
वाणिज्य बैंकहरुमा ३ अर्ब २० करोड ६५ लाख, राष्ट्रियस्तरका विकास बैंकहरुमा ६० करोड ११ लाख तथा वित्तीय संस्थाहरुमा २० करोड ३ लाख रुपैयाँ निक्षेप जम्मा गर्ने राष्ट्र बैंकले जनाएको छ
वाणिज्य बैंकहरूमा – ३ अर्ब २० करोड ६५ लाख रुपैयाँ
राष्ट्रियस्तरका विकास बैंकहरूमा – ६० करोड ११ लाख रुपैयाँ
वित्तीय संस्थाहरूमा – २० करोड ३ लाख रुपैयाँ
राष्ट्र बैंकले प्रस्ताव आह्वान गर्दै निक्षेप लिन इच्छुक बैंक तथा वित्तीय संस्थाले फागुन २० गते राति १२ बजेभित्र आवेदन दिनुपर्ने जनाएको छ।
बैंक तथा वित्तीय संस्थाका लागि तोकिएको मुख्य सर्त:
निष्कृय कर्जा (एनपीएल) ८ प्रतिशतभन्दा कम हुनुपर्ने।
खुद निष्कृय कर्जा (खुद एनपीएल) ३ प्रतिशत ननाघेको हुनुपर्ने।
राष्ट्र बैंकले तोकेको नयाँ नीति २०२५ मार्च १२ देखि लागू भएर २०२६ मार्च १२ सम्म (३६६ दिन) लागू रहनेछ।
