instanewsdesk | प्रकाशित मिति: २०८३ आश्विन १८, आईतवार १४:४८महालक्ष्मी विकास बैंकले डिजिटल कारोबारलाई प्रवर्द्धन गर्ने उद्देश्यले ‘महालक्ष्मी महा सोमबार’ योजना सञ्चालन गर्ने भएको छ ।
योजनाअन्तर्गत बैंकका डेबिट तथा क्रेडिट कार्डवाहक ग्राहकले हरेक सोमबार दराज नेपालमार्फत अनलाइन सामान खरिद गर्दा विशेष छुट पाउनेछन् ।
डेबिट कार्डवाहकले न्यूनतम १ हजार ९ सय ९९ रुपैयाँको सामान खरिद गर्दा १० प्रतिशत वा अधिकतम ७५० रुपैयाँसम्म छुट पाउनेछन् ।
त्यस्तै, क्रेडिट कार्डवाहकले सोही रकमको सामान खरिद गर्दा १५ प्रतिशत वा अधिकतम १ हजार रुपैयाँसम्म छुट पाउने बैंकले जनाएको छ ।
बैंकका अनुसार योजना हरेक सोमबार मात्र लागू हुनेछ । सीमित संख्यामा तथा पहिले आउनेलाई प्राथमिकताका आधारमा छुट उपलब्ध हुने भएकाले ग्राहकले समयमै योजनाको लाभ लिन सक्नेछन् ।
डिजिटल भुक्तानी तथा कार्डमार्फत हुने कारोबारलाई प्रोत्साहन गर्दै आधुनिक बैंकिङ सेवाको प्रयोग विस्तार गर्ने उद्देश्यले योजना ल्याइएको बैंकले जनाएको छ ।
गुणस्तरीय वित्तीय सेवा प्रदान गर्दै आएको बैंकले हालै काठमाडौंको ज्ञानेश्वरमा क्याफेसहितको डिजिटल हबसमेत सञ्चालनमा ल्याएको छ ।
