instanewsdesk | प्रकाशित मिति: २०८२ चैत्र २४, मंगलवार १५:२०काठमाडौं। प्रधानमन्त्री बालेन्द्र शाह नेतृत्वको मन्त्रिपरिषद्को मंगलबार बसेको बैठकले विभिन्न महत्वपूर्ण निर्णयहरू गरेको छ।
सबैभन्दा महत्वपूर्ण निर्णयमा पेट्रोल, डिजेल र मट्टितेल आयातमा लाग्ने भन्सार महसुल तथा पूर्वाधार विकास करमा ५० प्रतिशत छुट दिने निर्णय रहेको छ।
सरकारले पूर्वाधार विकास कर अन्तर्गत प्रतिलिटर १० रुपैयाँ संकलन गर्दै आएको थियो । अब भने सरकारले प्रतिलिटर ५ रुपैयाँ लिने निर्णय गरेको हो ।
बैठकले भन्सार महसुल र पूर्वाधार विकास करमा ५० प्रतिशत छुट प्रदान गर्ने निर्णय गरेको संघीय मामिला तथा सामान्य प्रशासनमन्त्री प्रतिभा रावलले जानकारी दिइन् ।
मन्त्री रावलका अनुसार, पछिल्लो १५ दिनमा करिब ११ अर्ब ७२ करोड रुपैयाँ घाटा भए पनि सरकारले इन्धन खपत घटाउन आइतबार सार्वजनिक बिदा दिने, सवारीमा जोर–बिजोर प्रणाली लागू गर्ने, साथै विद्युतीय सवारी र इथानोल प्रयोगलाई प्रोत्साहन गर्ने नीति अघि सार्ने योजना बनाइरहेको छ।
