instanewsdesk | प्रकाशित मिति: २०८२ श्रावण ३०, शुक्रबार ०७:४३काठमाडौं, प्राइम कमर्सियल बैंकले आर्थिक वर्ष २०८१/८२ को चौथो त्रैमाससम्म नाफामा ठुलो उछाल देखाउँदै शेयरधनीलाई उत्साहित बनाएको छ। खुद नाफा ४ अर्ब २ करोड ४४ लाख रुपैयाँ पुगेको छ, जुन अघिल्लो वर्षको सोही अवधिको नाफाभन्दा १४.७२ प्रतिशत बढी हो। बैंकको खुद ब्याज आम्दानी र सञ्चालन नाफामा उल्लेखनीय वृद्धि ले यो सफलता सम्भव भएको बैंकले जनाएको छ।
समीक्षा अवधिमा बैंकको खुद ब्याज आम्दानी ११.९२ प्रतिशतले बढेर ८ अर्ब ८२ करोड २४ लाख ३४ हजार रुपैयाँ पुगेको छ। त्यस्तै, सञ्चालन नाफा २३.४४ प्रतिशतले वृद्धि भई ६ अर्ब ५५ करोड ८० लाख १६ हजार रुपैयाँमा पुगेको छ।
नाफा बढेसँगै बैंकको प्रतिसेयर आम्दानी (EPS) पनि सुधारिएको छ। गत असार मसान्तसम्म EPS २० रुपैयाँ ७४ पैसा कायम भएको छ, जुन अघिल्लो वर्षको सोही अवधिमा १८ रुपैयाँ ०८ पैसा मात्र थियो।
लाभांश वितरण क्षमतामा पनि उल्लेखनीय सुधार भएको छ। बैंकको प्रतिसेयर लाभांश वितरण क्षमता १४.३३ प्रतिशत पुगेको छ, जबकि अघिल्लो वर्ष यो ५.१३ प्रतिशत मात्र थियो। सोही अवधिमा वितरणयोग्य नाफा समेत १७९.३८ प्रतिशतले बढेर २ अर्ब ७८ करोड ८ लाख १९ हजार रुपैयाँमा पुगेको छ।
प्राइम कमर्सियल बैंक : २०८१/८२
-
खुद नाफा : १४.७२% वृद्धि, ४ अर्ब २ करोड ४४ लाख रुपैयाँ
(अघिल्लो वर्ष : ३ अर्ब ५० करोड ७८ लाख रुपैयाँ) -
खुद ब्याज आम्दानी : ११.९२% वृद्धि, ८ अर्ब ८२ करोड रुपैयाँ
-
सञ्चालन नाफा : २३.४४% वृद्धि, ६ अर्ब ५५ करोड रुपैयाँ
-
EPS (प्रतिसेयर आम्दानी) : २०.७४ रुपैयाँ
(अघिल्लो वर्ष : १८.०८ रुपैयाँ) -
लाभांश वितरण क्षमता : १४.३३%
(अघिल्लो वर्ष : ५.१३%) -
वितरणयोग्य नाफा : १७९.३८% वृद्धि, २ अर्ब ७८ करोड रुपैयाँ
