instanewsdesk | प्रकाशित मिति: २०८२ श्रावण २६, सोमबार ०७:५९काठमाडौं सानिमा बैंकले आर्थिक वर्ष २०८१/८२ मा खुद नाफामा ७.२४ प्रतिशतको सामान्य वृद्धि गरेको छ । कम्पनीले सार्वजनिक गरेको वित्तीय विवरणअनुसार गत आवमा बैंकको नाफा २ अर्ब ५७ करोड ११ लाख रुपैयाँ पुगेको छ, जुन अघिल्लो वर्षको २ अर्ब ३९ करोड ७४ लाख रुपैयाँभन्दा बढी हो ।
प्रतिशेयर आम्दानी १८ रुपैयाँ ९३ पैसा, प्रतिशेयर नेटवर्थ १६८ रुपैयाँ ८३ पैसा रहेको छ भने २ अर्ब ७८ करोड ७ लाख रुपैयाँ वितरणयोग्य मुनाफा रहेको छ । वितरणयोग्य प्रतिशेयर आम्दानी २० रुपैयाँ ४७ पैसा रहेको छ। अघिल्लो वर्ष कम्पनीको वितरणयोग्य मुनाफा १ अर्ब ४४ करोड ७३ लाख र वितरणयोग्य प्रतिशेयर आम्दानी १०.६६ रुपैयाँ थियो ।
बैंकको खुद ब्याज आम्दानी ६ अर्ब १८ करोड रुपैयाँबाट वृद्धि भएर ६ अर्ब ३५ करोड रुपैयाँ पुगेको छ भने फि तथा कमिसनबाट हुने आम्दानी १ अर्ब १ करोड रुपैयाँबाट १ अर्ब १९ करोड रुपैयाँ पुगेको छ । अघिल्लो वर्ष ६ अर्ब ४९ करोड रहेको खुद सञ्चालन आम्दानी गत वर्ष ६ अर्ब ७१ करोड पुगेको छ ।
