नयाँ वर्षमा समेत इन्ट्रेस्ट कन्स्टेन्ट रहने संकेत, बैंकस् नट इन्ट्रेस्टेड 

नेपालको बैंकिङ प्रणालीमा तरलता पर्याप्त रहे पनि लगानीकर्ताले त्यसको अपेक्षित लाभ लिन सकिरहेका छैनन्। अधिकांश वाणिज्य बैंकहरूले वैशाख महिनाका लागि चैतको ब्याजदरलाई नै निरन्तरता दिएका छन्। यद्यपि, तीन वटा बैंकले ब्याजदर घटाएका छन् भने एक बैंकले ब्याजदर बढाएको छ। बाँकी बैंकहरूको ब्याजदर भने यथावत् छ।

नेपाल राष्ट्र बैंकको तथ्यांकअनुसार, वैशाखमा व्यक्तिगत मुद्दति निक्षेपको औसत ब्याजदर ५.९८ प्रतिशतमा झरेको छ। चैतमा यो दर ५.९३ प्रतिशत र फागुनमा ६.०१ प्रतिशत थियो।

पछिल्लो डेढ वर्षदेखि बैंकहरूले निरन्तर ब्याजदर घटाउँदै आएका छन्। तर, यसले कर्जा प्रवाहलाई अपेक्षित रूपमा तीव्रता दिन सकेको छैन। बैंकरहरूका अनुसार, “ब्याजदर घटे पनि लगानीका लागि विश्वासिलो वातावरण अझै बन्न सकेको छैन।”

हाल बैंकहरूले कर्जा विस्तारभन्दा कर्जा असुलीमा बढी जोड दिएका छन्। तथापि, असुली प्रक्रिया पनि अपेक्षाकृत गतिमा अघि नबढ्दा नयाँ लगानीमा बैंकहरू हिचकिचाइरहेका छन्।

बैशाख २०८१ मा व्यक्तिगत मुद्दति निक्षेपमा ब्याजदर