कन्स्टेन्टाइन टासोउलास ग्रिकको नयाँ राष्ट्रपतिमा निर्वाचित

ग्रीक संसदका पूर्व सभामुख कन्स्टेन्टाइन टासोउलास बुधवार देशको नयाँ राष्ट्रपतिमा निर्वाचित हुनुभएको छ । सत्तारुढ रूढिवादी न्यू डेमोक्रेसी (एनडी) पार्टीका उम्मेदवार टासोउलासले चौथो चरणको मतदानमा १६० मत प्राप्त गर्नुभयो । जुन अघिल्लो चरणहरूमा जस्तै थियो । अन्य तीन उम्मेदवारहरूले प्रत्येकले ५० भन्दा कम मत प्राप्त गरेका छन् । बुधवारको मतदानमा संसदका कुल २७६ सदस्यहरूले भाग लिए । ग्रिक संविधान अन्तर्गत चौथो चरणमा राष्ट्रपति पद जित्नको लागि उम्मेदवारलाई ३०० सदस्यीय सभामा कम्तिमा १५१ मत चाहिन्छ । जुन तेस्रो चरणमा १८० मतबाट घटाइएको थियो । विगत तीन हप्तामा आयोजित पहिलो दुई चरणमा २०० मत थियो । एनडी पार्टीका अनुभवी राजनीतिज्ञ तासौलासले २०१४ मा संस्कृति तथा खेलकुद मन्त्रीको रूपमा सेवा गर्नुभएको थियो । २०१९ देखि तीन पटक ठूलो बहुमतले ग्रिक संसदको सभामुख निर्वाचित हुनुभएको थियो ।