instanewsdesk | प्रकाशित मिति: २०८१ फाल्गुन १, बिहीबार ०७:३१काठमाडौं – अधिकांश वाणिज्य बैंकहरूले फागुन महिनाको लागि माघ महिनाकै मुद्दती निक्षेपको ब्याजदरलाई निरन्तरता दिएका छन्। तर, ग्लोबल आइएमई बैंकले ब्याजदर ०.२५ प्रतिशत विन्दुले बढाएको छ भने लक्ष्मी सनराइज बैंकले सोही अनुपातमा घटाएको छ। बाँकी १८ बैंकको ब्याजदर यथावत नै रहेको छ।
औसत रूपमा वाणिज्य बैंकहरूको मुद्दती निक्षेपमा फागुन महिनाका लागि ६ प्रतिशत ब्याजदर कायम गरिएको छ। बैंकिङ प्रणालीमा अधिक तरलता भएपछि ब्याजदर न्यून विन्दुमा झरेको हो। तर, कर्जा प्रवाह भने अझै पनि कमजोर छ। ब्याजदर घट्दा कर्जा लिनेहरूलाई राहत भए पनि बैंकहरूको लगानी विस्तार हुन सकेको छैन।
बैंकहरूको ब्याजदर
विभिन्न बैंकहरूले फागुन महिनाका लागि निर्धारण गरेको ब्याजदर निम्नानुसार छः
- कृषि विकास बैंक – बचत: ३.००%, व्यक्तिगत मुद्दती: ४.२६%, संस्थागत मुद्दती: ३.००%
- सिटिजन्स बैंक – बचत: ३.००%, व्यक्तिगत मुद्दती: ५.५०%, संस्थागत मुद्दती: ४.००%
- एभरेस्ट बैंक – बचत: ३.०५%, व्यक्तिगत मुद्दती: ४.२५%, संस्थागत मुद्दती: ३.२५%
- ग्लोबल आइएमई बैंक – बचत: ३.००%, व्यक्तिगत मुद्दती: ५.००%, संस्थागत मुद्दती: ३.५०% (लामो अवधि मुद्दती खाताको ब्याजदर ०.२५% वृद्धि)
- हिमालयन बैंक – बचत: ३.०४%, व्यक्तिगत मुद्दती: ४.७५%, संस्थागत मुद्दती: ३.५०%
- कुमारी बैंक – बचत: ३.०१%, व्यक्तिगत मुद्दती: ५.३१%, संस्थागत मुद्दती: ३.२५%
- लक्ष्मी सनराइज बैंक – बचत: ३.००%, व्यक्तिगत मुद्दती: ५.००%, संस्थागत मुद्दती: ४.००% (लामो अवधि मुद्दती खाताको ब्याजदर ०.२५% घट्यो)
- माछापुच्छ्रे बैंक – बचत: ३.००%, व्यक्तिगत मुद्दती: ५.००%, संस्थागत मुद्दती: ३.५०%
- नबिल बैंक – बचत: ३.००%, व्यक्तिगत मुद्दती: ५.००%, संस्थागत मुद्दती: ३.००%
- नेपाल बैंक – बचत: ३.००%, व्यक्तिगत मुद्दती: ४.२०%, संस्थागत मुद्दती: ३.००%
- नेपाल इन्भेस्टमेन्ट मेगा बैंक – बचत: ३.००%, व्यक्तिगत मुद्दती: ५.००%, संस्थागत मुद्दती: ३.१५%
- नेपाल एसबीआई बैंक – बचत: ३.००%, व्यक्तिगत मुद्दती: ४.५१%, संस्थागत मुद्दती: ३.५१%
- एनआईसी एसिया बैंक – बचत: ३.१०%, व्यक्तिगत मुद्दती: ५.००%, संस्थागत मुद्दती: ३.००%
- एनएमबि बैंक – बचत: ३.००%, व्यक्तिगत मुद्दती: ४.००%, संस्थागत मुद्दती: ३.००%
- प्रभु बैंक – बचत: ३.००%, व्यक्तिगत मुद्दती: ५.१०%, संस्थागत मुद्दती: ३.१०%
- प्राइम कमर्सियल बैंक – बचत: ३.००%, व्यक्तिगत मुद्दती: ६.००%, संस्थागत मुद्दती: ४.००%
- राष्ट्रिय वाणिज्य बैंक – बचत: ३.००%, व्यक्तिगत मुद्दती: ४.००%, संस्थागत मुद्दती: ३.००%
- सानिमा बैंक – बचत: ३.०४%, व्यक्तिगत मुद्दती: ५.३०%, संस्थागत मुद्दती: ४.३०%
- सिद्धार्थ बैंक – बचत: ३.०५%, व्यक्तिगत मुद्दती: ५.५०%, संस्थागत मुद्दती: ३.५०%
- स्ट्यान्डर्ड चार्टर्ड बैंक – बचत: ३.००%, व्यक्तिगत मुद्दती: ४.२५%, संस्थागत मुद्दती: ३.२५%
ब्याजदर लगातार घट्दै आए पनि अपेक्षाअनुसार कर्जा प्रवाह हुन सकेको छैन। झन्डै डेढ वर्षदेखि बैंकहरूले ब्याजदरमा कटौती गरिरहेका छन्, जसले लगानीकर्तालाई केही हदसम्म राहत दिएको भए पनि आर्थिक गतिविधि अझै सुस्त देखिन्छ। ब्याजदरको यो स्थिति आगामी महिनाहरूमा बैंकिङ क्षेत्रका लागि चुनौतीपूर्ण रहन सक्ने देखिन्छ।
