तीन दिन धार्मिक कार्यक्रम गरि इज्तेमा मनाइयो

मुस्लिम समुदायमा मनाइने इज्ते रौतहटमा तीन दिन धार्मिक कार्यक्रम गरि मनाइएको छ ।

गत शनिबार राजपुर नगरपालिकाको मदरसा महमुदियामा सुरु भएको इज्ते सोमबार बिहान समापन भएको हो । माघ २६ गते शनिवारदेखि सुरु भएको कुरान प्रवचन तथा हिस नमाज पढ्नेबारे बुझाउँदै अन्तिम दिन सोमबार बिहान ११ बजे दुवासहित सम्पन्न भएको राजपुर नगरपालिकाका पुर्व मेयर मोहम्मद शकिल अख्तरले बताए ।

उनका अनुसार इज्जतेमा कुरान रहिशबाट व्याख्या गरी मुस्लिमहरुलाई सुझाव सन्देश दिइन्छ । मुस्लिमका अन्तिम देवदूत, मोहम्मदको बारेमा कथा र हदिश अतर्रित बिख्यात गरी मुस्लिमहरुलाई तबलिगी जमातको उद्देश्य, आवश्यकता, महत्त्व र फाइदाहरूका बारेमा जानकारी इज्तेमा दिने गरिएको उनले उल्लेख गरेका छन् ।

मुस्लिम समुदायका लागि इज्तेमा धार्मिक प्रवचन तथा सामाजिक दृष्टिकोणबाट विशेष महत्त्व राख्ने उनको भनाइ छ । राजपुरमा तीन दिनदेखि चलिरहेको इज्तेमा सोमबार अन्तिम दिन जिल्लाका विभिन्न निकायका प्रतीनिधिहरुको सहभागिता रहेको थियो । देशका विभिन्न भागबाट इज्तेमा सहभागि हुन उल्लेखनीय मुस्लिम समुदायका ब्यक्ती आएका थिए ।