instanewsdesk | प्रकाशित मिति: २०८३ कार्तिक १९, बुधबार १४:०८काठमाडौं । सरकारले नेपाल प्रहरीको महानिरीक्षक (आईजीपी) मा अतिरिक्त महानिरीक्षक (एआईजी) डा. मनोजकुमार केसीलाई नियुक्त गरेको छ । बुधबार बसेको मन्त्रिपरिषद् बैठकले वर्तमान आईजीपी दानबहादुर कार्कीलाई जिम्मेवारीबाट हटाउँदै केसीलाई प्रहरी संगठनको नेतृत्व सुम्पने निर्णय गरेको हो ।
बैठकमा सहभागी एक मन्त्रीका अनुसार कार्कीलाई आईजीपीको जिम्मेवारीबाट हटाएर प्रधानमन्त्रीको सुरक्षा सल्लाहकार नियुक्त गरिएको छ ।
सरकारको निर्णयसँगै नेपाल प्रहरीको नेतृत्व परिवर्तन हुने भएको छ । केसीले प्रहरी संगठनको नेतृत्व सम्हाल्नेछन् भने कार्कीले प्रधानमन्त्रीको सुरक्षा सल्लाहकारका रूपमा जिम्मेवारी पाउनेछन् ।
मन्त्रिपरिषद्को निर्णयबारे औपचारिक विवरण सार्वजनिक भएपछि नियुक्ति र जिम्मेवारी हस्तान्तरणसम्बन्धी थप प्रक्रिया स्पष्ट हुनेछ ।
