instanewsdesk | प्रकाशित मिति: २०८२ मंसिर ५, शुक्रबार ०७:४८काठमाडौं ।पाँच वर्षमै देशको साहसिक पर्यटनलाई नयाँ उचाइमा पुर्याएको ‘द क्लिफ’ले अब कर योगदानमा पनि लगातार तेस्रो वर्ष उत्कृष्टता देखाएको छ। स्विङ, बन्जी, स्काइ क्याफे जस्ता विश्व–स्तरीय रोमाञ्चक आकर्षणमार्फत चर्चामा रहने द क्लिफले आयकर योगदानमा पनि अग्रणी हुदै ‘उत्कृष्ट करदाता’को ह्याट्रिक पूरा गरेको हो। Adventure र Accountability दुवैमा यो निरन्तर नेतृत्वले द क्लिफलाई निजी क्षेत्रको रोल–मोडेलका रूपमा थप सुदृढ बनाएको छ।
द क्लिफले उत्कृष्ट करदातामा ह्याट्रिक गरेको छ । यस वर्ष पनि पर्वत जिल्लामा दर्ता रहेका करदाताहरू मध्ये सेवा÷उद्योग अन्तर्गत सबैभन्दा धेरै आयकर दाखिला गरेकोले राष्ट्रिय कर दिवस–२०८२ को अवसरमा आन्तरिक राजस्व कार्यालय, बाग्लुङले द क्लिफलाई सम्मान गरेको हो ।
द क्लिफले यसभन्दा पहिले २०८० र २०८१ मा दुई पटक उत्कृष्ट करदाताको रूपमा सम्मान पाएको थियो । यसरी व्यवसाय सञ्चालन गरेको पाँच वर्षको अवधिमै ‘द क्लिफ’ले सबैभन्दा धेरै कर तिर्नेमा ह्याट्रिक गरेको हो ।
कार्यालयका प्रमुख कर अधिकृत प्रमोद कुमार श्रीवास्तवले क्लिफका निर्देशक राजन कुमार जोशीलाई सम्मानपत्र हस्तान्तरण गरेका हुन् ।
राजु कार्कीको परिकल्पना र नेतृत्वमा कालीगण्डकी नदीको खोँचमाथि पर्वत र बाग्लुङ बलेवा जोड्ने गरी बनाइएको द क्लिफमा विश्वकै अग्लो स्विङ र विश्वकै दोस्रो अग्लो बन्जी जम्प सञ्चालन हुँदै आएको छ । क्लिफको रिसोर्टमा विश्वकै अग्लो व्यावसायिक स्काइ साइक्लिङ, स्काइ क्याफे, वाल क्लाइम्बिङ, गुलेली पिङ, क्रेजी ब्रीज, स्काइ ग्लाइडिङ, मेगा ट्रोललगायत गतिविधिहरू सञ्चालनमा छन् ।
