instanewsdesk | प्रकाशित मिति: २०८२ भाद्र १५, आईतवार २०:११काठमाडौं,आगामी कात्तिक १७ गते रूपन्देही–३ मा हुने उपनिर्वाचनमा राष्ट्रिय स्वतन्त्र पार्टी (रास्वपा) का तर्फबाट डा. लेखजंग थापा उम्मेदवार हुने भएका छन्।
रूपन्देही–३ बाट उम्मेदवार बन्नका लागि रास्वपामा ९ जनाले आवेदन दिएका थिए। पार्टीको प्राइमरी इलेक्सनमार्फत डा. थापा अन्तिमत: उम्मेदवारका रूपमा चयन भएका हुन्।
उम्मेदवारी आकांक्षीमा थापासहित सुलभ खरेल, पार्थिवेन्द्र उपाध्याय, ज्ञानु पौड्याल, जीतबहादुर गुप्ता, कुसुम महर्जन, रचना क्षेत्री, पुनमकुमारी अग्रवाल र मधुप्रसाद अर्याल रहेका थिए।
रूपन्देहीको सिद्धार्थनगर–९, अञ्चलपुरमा जन्मिएका डा. थापा वरिष्ठ न्युरोलोजिस्ट हुन्। उनले अमेरिकाको हार्वर्ड विश्वविद्यालयबाट ‘सेफ्टी, क्वालिटी, लिडरसिप एण्ड इन्फमेटिभ’ कार्यक्रममा स्नातक पूरा गरेका छन्।
