instanewsdesk | प्रकाशित मिति: २०८२ श्रावण २८, बुधबार ०८:०५काठमाडौं । ग्लोबल आइएमई बैंकले गत आर्थिक वर्षको चौथो त्रैमाससम्मको अपरिष्कृत वित्तीय विवरण सार्वजनिक गरेको छ। विवरणअनुसार, बैंकको खुद नाफा १.०९ प्रतिशतले बढेर ६ अर्ब २० करोड ४७ लाख रुपैयाँ पुगेको छ। अघिल्लो वर्षको सोही अवधिमा यो रकम ६ अर्ब १३ करोड ७४ लाख रुपैयाँ थियो।
समीक्षा अवधिमा बैंकको खराब कर्जा अनुपात ०.४७ प्रतिशत बिन्दुले बढ्दै ४.८७ प्रतिशतमा पुगेको छ। बैंकले ५ खर्ब ५० अर्ब रुपैयाँ निक्षेप संकलन गरेको छ, जुन १४.८० प्रतिशतले वृद्धि हो। यस्तै, कर्जा प्रवाह ११.४७ प्रतिशतले बढ्दै ४ खर्ब ११ अर्ब रुपैयाँ पुगेको छ।
बैंकको चुक्ता पूँजी ३८ अर्ब ११ करोड ५८ लाख रुपैयाँ छ भने जगेडा कोष २४ अर्ब २१ करोड रुपैयाँ पुगेको छ। वितरणयोग्य नाफा ५ अर्ब ३७ करोड ९३ लाख रुपैयाँ रहेको छ, जसअनुसार बैंकको लाभांश क्षमता १४.११ प्रतिशत देखिन्छ। अघिल्लो वर्ष वितरणयोग्य नाफा मात्र ५० करोड ६७ लाख रुपैयाँ थियो।
बैंकको प्रतिसेयर आम्दानी ७१ पैसाले घटेर १६ रुपैयाँ २७ पैसा भएको छ भने प्रतिसेयर नेटवर्थ १७७ रुपैयाँ ६३ पैसा पुगेको छ।
खुद ब्याज आम्दानी ०.८५ प्रतिशतले घटेर १६ अर्ब ७१ करोड रुपैयाँमा सीमित भएको छ। तर, सञ्चालन आम्दानी ३.०२ प्रतिशतले बढेर २१ अर्ब २७ करोड रुपैयाँ पुगेको छ। इम्पेयरमेन्ट चार्ज भने अघिल्लो वर्षको ३ अर्ब ६१ करोडबाट बढेर ४ अर्ब ३० करोड रुपैयाँ पुगेको छ, जसका कारण नाफामा केही दबाब परेको देखिन्छ।
ग्लोबल आइएमई बैंक मुलुकका सतहत्तरै जिल्लामा शाखा सञ्जाल रहेको निजी क्षेत्रको पहिलो तथा वित्तीय सूचक अनुसार मुलुककै सबैभन्दा ठुलो वाणिज्य बैंक हो । बैंकले देशका ७७ वटै जिल्ला तथा तीन अन्तर्राष्ट्रिय सम्पर्क/वैदेशिक प्रतिनिधि कार्यालय सहित १,१०० भन्दा बढी सेवा केन्द्रबाट बैंकिङ्ग सेवा प्रदान गर्दै आएको छ ।
ग्लोबल आइएमई बैंकलाई सबैंका लागि बैंक बनाउँदै बैंकले विभिन्न सेवा तथा सुविधा सहितका योजना मार्फत आफ्ना ५० लाख भन्दा बढी ग्राहकलाई उत्कृष्ट सेवा प्रदान गरी लावान्भित गरिरहेको छ ।
त्यसैगरी बैंकले संयुक्त राज्य अमेरिका, संयुक्त अधिराज्य, क्यानडा, अष्ट्रेलिया, मलेसिया, दक्षिण कोरिया, जापान, साउदी अरब, कतार, युएई, बहराइन, कुवेत, भारत, जोर्डन, हङकङ लगायतका मुलुकबाट रेमिट्यान्स भित्र्याउँदै देशको अर्थ व्यवस्थामा महत्वपूर्ण योगदान पुर्याउँदै आइरहेको छ ।
-
खुद नाफा: १.०९% वृद्धि, ६ अर्ब २० करोड ४७ लाख रुपैयाँ (अघिल्लो वर्ष ६ अर्ब १३ करोड ७४ लाख)।
-
खराब कर्जा अनुपात (NPL): ०.४७ प्रतिशत बिन्दुले बढ्दै ४.८७% मा।
-
निक्षेप संकलन: १४.८०% वृद्धि, कुल ५ खर्ब ५० अर्ब रुपैयाँ।
-
कर्जा प्रवाह: ११.४७% वृद्धि, कुल ४ खर्ब ११ अर्ब रुपैयाँ।
-
चुक्ता पूँजी: ३८ अर्ब ११ करोड ५८ लाख रुपैयाँ।
-
जगेडा कोष: २४ अर्ब २१ करोड रुपैयाँ।
-
वितरणयोग्य नाफा: ५ अर्ब ३७ करोड ९३ लाख रुपैयाँ → लाभांश क्षमता १४.११%।
-
प्रतिसेयर आम्दानी (EPS): ७१ पैसाले घटेर १६ रुपैयाँ २७ पैसा।
-
प्रतिसेयर नेटवर्थ: १७७ रुपैयाँ ६३ पैसा।
-
खुद ब्याज आम्दानी: ०.८५% घटेर १६ अर्ब ७१ करोड रुपैयाँ।
-
सञ्चालन आम्दानी: ३.०२% वृद्धि, २१ अर्ब २७ करोड रुपैयाँ।
-
इम्पेयरमेन्ट चार्ज: ३ अर्ब ६१ करोडबाट बढेर ४ अर्ब ३० करोड रुपैयाँ।
