लाहोर विमानस्थलमा भीषण आगलागी, सबै उडानहरू रद्द

एजेन्सी, लाहोरको अल्लामा इकबाल अन्तर्राष्ट्रिय विमानस्थलमा आज बिहान भीषण आगलागी भएको छ। प्रारम्भिक विवरण अनुसार, पाकिस्तान सेनाको विमान अवतरण गर्दा टायरमा आगो लागेको र त्यसैबाट ठूलो आगलागी फैलिएको बताइएको छ।

आगो नियन्त्रणमा ल्याउनका लागि दमकलहरू तत्काल खटाइएको छ भने सुरक्षाका कारण विमानस्थलको रनवे अस्थायी रूपमा बन्द गरिएको छ।

यस घटनापछि विमानस्थलबाट हुने सबै उडानहरू रद्द गरिएको जनाइएको छ।

आधिकारिक विवरणहरू आउन अझ बाँकी छन्।