दक्षिण कोरियामा विमान दुर्घटना, ६४ जनाको मृत्यु

एजेन्सी, दक्षिण कोरियाको एक विमानस्थलमा १८१ जना सवार विमान दुर्घटनाग्रस्त भएको छ । जसमा कम्तीमा  ६४ जनाको मृत्यु भएको योनहाप समाचार एजेन्सीले उल्लेख गरेको छ।

ल्याण्ड गर्ने बेला धावनमार्गमा चिप्लिएर विमान दुर्घटना भएको हो । त्यसपछि विमानमा आगो लागेको थियो ।

सो विमान थाइल्याण्डको बैंककबाट फर्किएको थियो । दुर्घटनाको कारण स्पष्ट नभएपनि चरा ठोक्किएर वा अवतरण गियर बिग्रिएर दुर्घटना भएको हुनसक्ने प्रारम्भिक अनुमान गरिएको छ, उद्धार कार्य जारी रहेको समाचारमा उल्लेख छ ।