प्रख्यात तबला वादक जाकिर हुसेनको सान फ्रान्सिस्को, अमेरिकामा निधन

प्रख्यात तबला वादक उस्ताद जाकिर हुसेनको आइतबार ७३ वर्षको उमेरमा निधन भएको छ। उनी हृदयसम्बन्धी समस्याका कारण सान फ्रान्सिस्कोको अस्पतालको आईसीयूमा भर्ना भएका थिए ।

उस्ताद अल्ला रक्खाका छोरा जाकिर हुसेनले तबलालाई अन्तर्राष्ट्रिय स्तरमा पुर्‍याउन महत्त्वपूर्ण भूमिका खेलेका थिए ।

७३ वर्षीय उस्ताद जाकिर हुसेन, जसले तबलालाई विश्वव्यापी स्तरमा पुर्‍याएका थिए, रक्तचाप सम्बन्धी समस्याबाट पीडित रहेको उनका म्यानेजर निर्मला बचानीले बताएकी थिइन् ।

“मेरो गहिरो समवेदना उनको परिवार, प्रशंसकहरू र प्रियजनहरूप्रति। ॐ शान्ति,”भारतका संघीय मन्त्री ज्योतिरादित्य सिन्धियाले भने ।

हुसेनले आफ्नो करियरमा पाँचवटा ग्रामी पुरस्कार प्राप्त गरेका छन्, जस मध्ये यस वर्षको ६६ औं ग्रामी पुरस्कारमा तीन वटा पुरस्कार पाएका थिए ।