संसद अवरोध हुँदा समेत बैठक भत्तावापत लाखाैं रकम खर्च

सर्वसाधारण जस्तै कतिपय सांसदहरुपनि वैठक अवरुद्ध गर्नै नहुने वताउँछन् । चित्त नवुझेको कुराहरु छलफल गरेर समाधान खोज्नुपर्ने तर सदन नै अवरुद्ध गर्न नहुने कतिपय सरोकारवालाहरुको भनाइ छ ।वैठक अवरुद्ध गर्ने परम्परा पुरानो भएको र यसको विकल्प खोज्नुपर्ने तथा सदन अवरुद्ध गर्ने दिनको वैठक भत्ता समेत वुझ्न नहुने राष्ट्रीय सभाका सदस्य रामनारायण बिँडारीको सुझाव छ । सदन भनेको जनताको फाइदाको लागी छलफल हुने थलो भएकाले चित्त नबुझेका कुराहरु सदनमा छलफलमा ल्यायर निश्कर्ष निकाल्नु पर्ने तर चित्त नबुझको भनेर सदन अवरुद्ध गर्ने प्रबृत्ति गलत भएको नागरीक अगुवाहरु बताउँछन् ।सदन अवरुद्ध हुँदा राज्यकोषको लाखौ रकम खर्च भैरहेको छ । सत्ता पक्ष र प्रतिपक्षको आ आफ्नो अडानका कारण अवरुद्ध सदन खुल्न सकेको छैन सदन चलाउने विषयमा सभामुख कृष्णबहादुर महराले १६ गते सर्वदीय बैठक वोलाएर सहमती जुटाउन खोजेपनि सहमती जुट्न नसक्दा अर्को बैठक साउन २० गते वोलाइएको छ । तर सत्ता पक्ष र विपक्षीको अडानका कारण सोमवारको बैठक पनि वस्न सक्ला र भन्ने प्रश्न उव्जिएको छ ।