instakhabar | प्रकाशित मिति: २०७७ श्रावण २८, बुधबार २०:३९वायुसेवा सञ्चालकहरुले आगामी भदौ १६ गतेपछि पनि आन्तरिक हवाई सेवा पुनः सञ्चालन नगरे आन्दोलन गर्ने चेतावनी दिएका छन् ।
लकडाउन संगै अरबौं घाटा भैसकेको र सेवा नै बन्द हुने अवस्था आएको उनिहरुको जिकिर छ ।
संघले विज्ञप्ती जारी गर्दै हवाई सेवा उद्योगलाई तत्काल सेवामा नल्याउने हो भने सेवा नै बन्द हुन जाने भन्दै सेवा सुचालु गर्न सरकार समक्ष माग गरेको हो ।
संघले कोभिड १९ पछि डब्ल्युएचओ र आईकाओको मापदण्ड र नेपाल सरकारबाट निर्देशित मापदण्ड अनुसार नै वायुसेवा कम्पनीहरु उडानका लागि तयार रहेको पनि स्पष्ट पारेको छ ।
लामो समयसम्म कम्पनी सञ्चालनमा आउन नसक्दा दैनिक आर्थिक क्षति व्यहोरिरहेको भन्दै आवश्यक स्वास्थ्य सुरक्षा मापदण्डसहित सेवा सुचारु गर्न संघले माग गरेको हो ।
सरकारले चाहेमा तत्कालै टिकेटिङ सिस्टमबाट हवाई सेवा प्रयोग गर्ने ग्राहकको कन्टयाक्ट टेसिङ पनि सजिलो रहेको संघद्वारा जारी विज्ञप्तीमा जनाइएको छ ।
हवाई सेवा बन्द हुँदा हजारौंले रोजगारी गुमाउनुका साथै हवाई उद्योग नै धरासायी बन्दै गइरहेको संघले जनाएको छ ।
